DC GOWELE AKUTANA NA VIONGOZI WA DINI WILAYA TARIME

Posted on: April 11th, 2025

Mkuu wa Wilaya ya Tarime Mhe Meja Edward Flowin Gowele amekutana na kufanya mazungumzo na Viongozi wa Dini katika Wilaya hiyo na kuwataka waendele kuhubiri amani hasa tunapoelekea kwenye uchaguzi mkuu mwezi Oktoba 

Kikao hicho kimefanyika katika ukumbi wa Halmashauri ya Mji Tarime ambapo amewasisitiza kutoruhusu majukwaa ya dini kuwa sehemu za siasa

"Leo tumekutana hapa kuzungumza na kufahamia niwaombe sana tuendelee kusisitiza utulivu na amani katika Wilaya yetu maana ndo msingi mkubwa wa maendeleo" amesema Gowele

Aidha, amewaomba waendelee kuliombea taifa na Rais wa Jamhuri ya Muungano wa Tanzania Mhe Dkt Samia Suluhu Hassan ili azidi kuendelea kuleta maendeleo katika Taifa 

Kwa upande wao Viongozi wa dini wamemshukuru sana Mkuu wa Wilaya kwa kuwakutananisha na kuahidi kuendelea kutoa ushirikiano kwa Serikali na kuyafanyia kazi maelekezo yote aliyotoa