DC GOWELE AJITAMBULISHA RASMI KWA WAZEE WA KIMILA TARIME

Posted on: September 19th, 2024

Mkuu wa Wilaya ya Tarime Mhe. Meja Edward Gowele amejitambulisha rasmi kwa wazee mbalimbali katika Wilaya Tarime huku akiwataka kuendelea kudumisha amani katika Wilaya kwakukemea maovu katika jamii

Kikao hicho kimefanyika leo Septemba 19 katika ukumbi wa Halmashauri ya Mji Tarime ambapo amewataka kutumia nafasi zao katika jamii kuendeleza amani na utulivu uliopo katika Wilaya hiyo

"Mimi ni kijana wenu ntaendelea kuwsaikiliza na kupokea ushauri wenu niwaombe tuendelee kusimamia amani iliyopo katika Wilaya yetu kwakumea vitendo vyote vya kikatili, wizi na vinginevyo ili wananchi waendelee kufanya kazi kwa amani" amesema Gowele

Aidha, amewaahidi kutembelea katika kata zao kwaajili ya kusikiliza na kutatua kero zilizopo kwa wananchi wote kama sehemu ya maelekezo ya Rais wa Jamhuri ya Muungano wa Tanzania Mhe. Dkt Samia Suluhu Hassan

''Maelelekezo ya Mhe Rais Dkt Samia Suluhu Hassan ni kuhakikisha tunamaliza kero zilizopo huko mitaani niwaahidi ntaanza kufanya ziara ya Kata kwa Kata ili kuweza kusikiliza na kutatua naamini mtanipa ushirikiano katika hili" Amesema Gowele

kikao hicho kiliudhuriwa na wazee 60 wakiwemo wawakilishi toka Halmashauri ya Mji na Wilaya Tarime, wazee toka koo 12, wazee mashuhuri na viongozi wa wazee ndani ya Tarime