DC GOWELE AFANYA MKUTANO WA HADHARA KUSIKILIZA KERO ZA WANANCHI TARIME MJI

Posted on: February 8th, 2025

Mkuu wa Wilaya ya Tarime Mhe Meja Edward Flowin Gowele amesikiliza na kutatua kero mbalimbali za wananchi wa Halmashauri ya Mji Tarime kwenye mkutano wa hadhara 

Mkutano huo umefanyika katika viwanja vya Shamba la bibi kata ya Sabasaba Halmashauri ya Mji Tarime na kuwataka watumishi wa Serikalikulifanya zoezi hilo kuwa endelevu 

"Leo nimewasikiliza na changamoto zenu tumezipatia ufumbuzi hivi ndivyo Mhe Rais anahitaji tusikilize na kutatua kero zenu hivyo niwaombe watumishi wote kila idara kuhakikisha ili linakuwa zoezi la mara kwa mara" amesema Gowele

Aidha, amewataka wananchi kuendelea kuwapelekea watoto shule wa Awali, Msingi na Sekondari kwani ni haki yao ya msingi na kusisitiza msako unaendelea kwa wazazi waliokiuka

"Pamoja na yote niwaombe wazazi na walezi hakikisheni watoto wenye sifa za kwenda shule mmewapelekea Rais wetu ametujengea shule nyingi hapa na elimu inatolewa bure hivyo ni wajibu wetu kuwapeleka shule" amesema Gowele

Mkutano huo ulijumuisha wakuu wa vitengo na Idara Halmashauri ya Mji Tarime, wakuu wa taasisi za umma pamoja na jeshi la polisi