DC GOWELE AAGIZA MSAKO KWA WAZAZI AMBAO HAWAJAWAPELEKA WATOTO SHULE

Posted on: February 2nd, 2025

Mkuu wa Wilaya ya Tarime Mhe Meja Edward Flowin Gowele amewataka Viongozi kuanzia ngazi ya mtaa kwakushirkiana na Jeshi la polisi kuanza msako  wa nyumba kwa nyumba kuanzia kesho tarehe 3/02/2025 katika Wilaya ya Tarime kuwatafuta wazazi ambao hawajawaandikisha watoto shule kuanzia ngazi ya awali, Msingi na Sekondari

Maagizo hayo ameyatoa leo wakati akizungumza na waandishi wa habari katika ofisi yake na kusisitiza kuwafikisha mahakamani wazazi ambao watakuwa hawajawapeleka watoto shule 

"Niwasisitize viongozi wote kesho msako uanze mara moja tunataka watoto wote wa Wilaya hii walio na sifa ya kwenda shule wawe shule kwani shule ziliisha funguliwa na masomo yanaendelea" amesema Gowele 

Aidha amezipongeza Halmashauri za Wilaya hiyo kwakuendelea kuhamasisha uandikishaji kwa wanafunzi ili kuhakikisha watoto wote wanapata haki ya elimu kama maelekezo ya Serikali yanavyotaka