DAS TARIME AIPONGEZA TARIME MJI KUSIMAMIA LISHE MASHULENI

Posted on: November 15th, 2024

Katibu Tawala wa Wilaya ya Tarime Mwl. Sauli Mwaisenye ameipongeza Halmashauri ya Mji Tarime kwakuendelea kusimamia vyema zoezi la utoaji chakula katika shule za awali, msingi na sekondari katika Halmashauri hiyo

Pongezi hizo amezitoa leo wakati wa kuhitimisha kikao cha tathimini ya lishe kwa robo ya kwanza Julai - Septemba 2024/2025 kilichofanyika katika ukumbi wa Halmashauri ya Mji tarime huku akiwataka kuendelea kutoa elimu kwa wazazi ili waendelee kuchangia chakula kwa watoto wao

"Niwapongeze sana mnafanya vizuri kusimamia lishe kwa wanafunzi wetu kwani utapiamlo sasa umepungua kwa kiasi kikubwa sana niwaombee mwendelee kuhamasisha wazazi au walezi waendelee kuwatolea watoto wao chakula" amesema Sauli

Naye Mkurugenzi wa Halmashauri hiyo Bi. Gimbana  Ntavyo amewamwakikishia Katibu tawala watayafanyia kazi kwa vitendo maelekezo yote aliyotoa ili kuendelea kufanya vizuri kwa robo zijazo

"Tutayafanyia kazi yote kuazia sasa kwani na sisi tamani yetu ni kuhakikisha hatuna kesi kabisa ya utapiamlokatika Halmashauri yetu hivyo niwaelekeze watendaji kuanzia sasa kila mmoja kutekeleza yale tuliyokubaliana" amesema Gimbana