"CMT" TARIME MJI WATEMBELEA NA KUKAGUA MIRADI YA MAENDELEO

Posted on: September 8th, 2025

Mkurugenzi mtendaji wa Halmashauri ya Mji Tarime Bi Gimbana Ntavyo amewaongoza wakuu wa Idara na Vitengo kutembelea na kukagua miradi mbalimbali ya maendeleo katika Halmashauri hiyo

Akizungumzia baada ya ukaguzi huo Bi. Gimbana amewataka mafundi wanaoendelea na ujenzi wa miradi hiyo kuongeza Kasi ya ujenzi ili miradi hiyo iweze kukamilika kwa muda uliopangwa

"Hakuna sababu ya kuchelewesha miradi hii, mnatakiwa kukamilisha Kama tulivyokubaliana maana wananchi wanahitaji kutumia miradi hii ya Maendeleo" amesema Gimbana

Aidha, amewasisitiza wakuu wa Idara wenye Miradi kuhakikisha wanaongeza nguvu ya kufatilia pamoja na kukagua miradi hiyo Mara kwa mara ili iweze kukamilika kwa viwango vilivyopangwa

Miradi iliyotembelewa ni kichomea taka, jengo la kuhifadhia maiti, shule ya amali ya Nyagesese, nyumba ya walimu na maeneo ya ujenzi wa miradi mipya ya Maendeleo