AFISA ELIMU SEKONDARI TARIME MJI ASISITIZA WAZAZI KUWALETA WANAFUNZI MASHULENI

Posted on: January 8th, 2024

Afisa elimu sekondari katika Halmashauri ya mji Tarime Mwalimu Simbarule Changiki amewaomba wazazi kuhakikisha wanaendelea kuwaleta wanafunzi wa kidato cha kwanza kuanza masomo kwani tayari shule zimeishafunguliwa na waalimu wananendelea kutoa elimu

Hayo ameyasema leo wakati akikagua shule za sekondari ikiwa ni siku ya ufunguzi wa shule hizon na kuwahasa wazazi kujitahidi kukamilisha mahitaji ya wananfunzi ili waanze kusoma kwa mujibu ya ratiba

"niwaombe wazazi tujitahidi sana kukamilisha taratibu zote ili wananfunzi waweze kuanza kusoma mapema na wengine kwani muda wa kufungua shule ni leo na lengo letu ni kufanya vizuri hivyo wanafunzi wanapaswa kuwepo darasani" amesema Changiki

Aidha, amewataka waalimu na wanafunzi wa shule ya mpya ya sekondari ya Nyagisese kuhakikisha wanatunza mazingira pamoja na miundo mbinu ya shule hiyo ili iendelee kusaidia idadi kubwa ya wananchi hasa wa kata ya Nyandoto